Documentación informativa e TVG

O pasado xoves oito de novembro, un grupo de persoas da facultade de Ciencias da Comunicación, da USC (Universidad de Santiago deCompostela), fixemos unha visita especial, cun motivo moi especial.

O destino era a Televisión de Galicia, e a razón baseábase en coñecer o traballo de documentación que alí se desempeña.

O obxectivo cumpliuse con creces: coñecer os métodos de taballo, soportes, técnicas e tecnoloxías, procedementos, ritmo, etc.

A través da nosa guía, María Jesús López Elvira (que, cómpre dicilo, realizou unha tarefa amena na que explicou de forma clara e concisa os contidos precisos), levamos a cabo un percorrido completo no que se nos permitiu coñecer de preto todo o relacionado coa documentación informativa na TVG.

O acceso aos lugares de almacenaxe de todo o material, así como aos arquivos que alí se gardaban foi sen dúbida unha experiencia enriquecedora.

Foi interesante tamén comprobar en primeira persoa a evolución respecto ao almacenamento e aos diferentes soportes dos arquivos. 

Por outra parte, o traballo dos documentalistas é parte esencial do proceso. Todo o que se atopa tras as cámaras, a conservación de arquivos que se emiten dende fai décadas é unha tarefa complexa e minuciosa, que require de gran habilidade. As tecnoloxías empregadas resultan lixeiramente anticuadas dende unha perspectiva na que as novas tecnoloxías están presentes en cada momento, polo que o manexo destas require probablemente dunha destreza especial.

Coñecer o funcionamento daquelo que non vemos a simple vista resulta fascinante. Saber que todo o que estamos a ver cada día, todo o que sucede no mundo quedará gardado para a posteridade, e que sempre poderemos acceder a elo, é un dos maiores tesouros que temos a sorte de poseer.